რა შეცდომები არ უნდა დაუშვა სოციალური მედიის მართვისას (MCI რჩევები)

კარგად დაგეგმილი და მიზანმიმართული სოციალური მედია საუკეთესო და მნიშვნელოვანი მარკეტინგული სტრატეგიაა თქვენი ბიზნესისთვის , რაც საშუალებას მოგცემთ გააფართოვოთ კომპანიის ცნობადობის არეალი და გააძლიეროს თქვენი პოზიცია კონკურენტულ ბაზარზე.  თუკი არ იცი რას აკეთებ ყოველ ჯერზე, არსებობს რისკი, რომ ჰჯუშეიძლება დაუშვა მარკეტინგული შეცდომები, რომელიც რათქმაუნდა უარყოფითად იმოქმედებს თქვენს ბიზნესსა და ბრენდინგზე. სოციალური მედიის ძირითადი შეცდომები: სოციალური მედია […]
02.10.2019

კარგად დაგეგმილი და მიზანმიმართული სოციალური მედია საუკეთესო და მნიშვნელოვანი მარკეტინგული სტრატეგიაა თქვენი ბიზნესისთვის , რაც საშუალებას მოგცემთ გააფართოვოთ კომპანიის ცნობადობის არეალი და გააძლიეროს თქვენი პოზიცია კონკურენტულ ბაზარზე.

 თუკი არ იცი რას აკეთებ ყოველ ჯერზე, არსებობს რისკი, რომ ჰჯუშეიძლება დაუშვა მარკეტინგული შეცდომები, რომელიც რათქმაუნდა უარყოფითად იმოქმედებს თქვენს ბიზნესსა და ბრენდინგზე.

სოციალური მედიის ძირითადი შეცდომები:

  1. სოციალური მედია არ გახლავთ ჟურნალი, გაზეთი ან ტელე სივრცე, სადაც აუდიტორია გისმენთ, პირიქით, თქვენ უნდა გამოიჩინოთ ინიციატივა, რომ დაიმსახუროთ სოციუმის ყურადღება. სოციალურ მედიაში არსებობს ორი გზა საზოგადოებასთან ურთიერთობის. სამომხმარებლო ურთიერთქმედების ხელის შეწყობით, თქვენ მიაღწევთ უკეთეს და ბევრად სასიამოვნო დამოკიდებულებას მომხმარებლებისგან. საუკეთსო სოციალური საუბრები იქმნება მაშინ, როდესაც მედია პოსტები არარის ორიენტირებული მხოლოდ და მხოლოდ გაყიდვებზე და შეიცავს საინტერესო, წამახალისებელ, ინფორმაციულ და რათქმაუნდა თემატურ შინაარსს.  პროდუქტის გაყიდვაზე კი სასურველია მხოლოდ 20-30 პროცენტიანი აქტივობა.
  2. უშუალო და მეგობრული დამოკიდებულება ძალიან მნიშვნელოვანია სოციალურ მედიაში, თუმცა ყველგან არის საჭირო ზომიერების დაცვა. პერსონალური კავშირით მომხმარებელთან ,თქვენ მოიპოვებთ ბევრად ლოიალურ დამოკიდებულებას და დაინტერესებას, რაც რათქმაუნდა აისახება გაყიდვებზეც . ხშირად გამოიყენეთ მიმართვის ფორმა (ჩვენ, თქვენ,ჩვენი)გააკეთეთ შეთავაზებები, ფასდაკლებები და აქციები.გაზარდეთ მომხმარებლის მნიშვნელობა კომპანიისთვის.
  3. არ ჩაერთოთ დისკუსიაში და არ აღნიშნოთ თქვენი თავი პოსტებში, რომელიც არ ესადაგება თქვენს სფეროს. ადამიანები ხშირად დებენ ინფორმაციას ან ვიდეოს სხვადასხვა პროფილის გვერდებზე, რომელთაც არ განეკუთვნებიან, რომ მოიპოვონ საზოგადოების ყურადღება..ეს კი მათ არაპროფესიონალიზმზე და ნარცისიზმზე მეტყველებს და ლახავს კომპანიის სახელს.
  4. მიუღებელი  და არასწორია პოსტებზე უამრავი ჰაშთაგი, გამოიყენეთ მხოლოდ რამდენიმე , რომელთაც მომხმარებელი ყოველთვის დაუკავშირებს თქვენს ბიზნესს, კომპანიასა და ბრენდს და ეცადეთ გამოიყენოთ ისინი ნებისმიერი კონტენტის დაპოსტვისას.
  5. სოციალურ მედიას სოციალური დატვირთვა უნდა გააჩნდეს, შესაბამისად, ძალიან დიდი შეცდომაა, როდესაც კომპანია არ აძლევს შესაძლებლობას თავის მომხმარებელს თავისუფლად გამოხატოს თავისი მოსაზრება/კომენტარი. სოციალური ქსელების გამოყენებით, შესაძლებელია დიალოგის წარმართვა არსებულ და პოტენციურ მომხმარებელთან. ეს არაჩვეულებრივი შესაძლებლობაა ადამიანების წარმოდგენების და ინტერესების შესასწავლად. რადგანაც დიალოგის ფორმატი ორმხრივ კომუნიკაციას გულისხმობს, კომპანია მზად უნდა იყოს ნეგატიური და არც თუ ისე სასიამოვნო მოსაზრებების მოსმენისთვის. ქართულ რეალობაში, ხშირად შეხვდებით ისეთ გვერდებს, სადაც მომხმარებელს არ შეუძლია კომენტარის გაკეთება ან მოკლებულია კითხვის დასმის შესაძლებლობას. ასევე ხშირია ქართული კომპანიების მირ უარყოფითი კომენტარების უგულველყოფა, წაშლა ან “დაჰაიდება”.
  6. სოციალური ქსელები ელექტრონული მაღაზიის როლს ასრულებენ – კომპანიებს გათვიცნობიერებული უნდა ჰქონდეთ, რომ სოციალური ქსელების მეშვეობით შესაძლებელია გაყიდვების სტიმულირება და ახალი პროდუქციის წარდგენა საზოგადოებასთან. უახლესი კვლევების თანახმად, მომხმარებლების 80% კომპანიების ვებ გვერდებს მათი „ფეისბუკის“ საშუალებით სტუმრობენ. ამგვარად, აუცილებელია კომპანიის სოციალურ გვერდზე წარმოდგენილი იყოს სრულყოფილი ინფორმაცია ბრენდის, პროდუქტების და მომსახურების შესახებ.
  7. ძალიან ხშირად ქართული კომპანიები თავიანთ სოციალურ გვერდებზე მხოლოდ ვიზუალური- ფოტო მასალით შემოიფარგლებიან. იშვიათად თუ შეხვდებით ქართულ “ფეისბუქის” გვერდს, სადაც პროდუქტის შესახებ მითითებულია დეტალური ინფორმაცია, ფასი, ანოტაცია და სხვ. მომხმარებლების კითხვაზე თუ რა ღირს კონკრეტული პროდუქტი, ქართული კომპანიები ტელეფონით დაკავშირებას სთავაზობენ. ასევე ხშირია უპასუხოდ დატოვებული მომხმარებლის კითხვები ან მოძველებული სტატუსები. შესაბამისად, ქართულმა კომპანიებმა უნდა გააცნობიერონ, რომ სოციალური ქსელების ურთიერთობის ფორმატი გახსნილი, მუდმივად განახლებული და ორმხრივი კომუნიკაციაა.
  8. სოციალურ ქსელებს განსხვავებული საუბრის “ტონი” ესაჭიროებათ – ხშირად ქართულ კომპანიებს ავიწყდებათ, რომ სოციალური მედია არაფორმალური, უშუალო კომუნიკაციის ფორმაა. ამგვარად, აუციელებლია მისთვის შესაფერისი საუბრის ფორმატის შემუშავება. კომპანიის ოფიციალურ ვებგვერდზე განთავსებული ინფორმაცია ან თუნდაც საინფორმაციო ბროშურაში წარმოდგენილი მასალა, შესაძლოა უფრო აკადემიური და ვრცელი იყოს. სოციალური ქსელებისთვის განკუთვნილი ინფორმაცია კი უფრო არაფორმალური და ხშირ შემთხვევაში რაოდენობრივადაც შეზღუდულია.
  9. ასევე გასათვალისწინებელია სოციალური ქსელების მომხმარებელის ასაკი. თითოეულ სოციალურ ქსელს, მისთვის დამახასიათებელი დემოგრაფიული ჯგუფი გააჩნია. მაგალითად “ფეისბუქის” მომხმარებლის საშუალო ასაკი 18-25 მდეა. თან აღსანიშნავია ის ფაქტიც, რომ მსოფლიო მოსახლეობის 50%-ზე მეტი 30 წლისაც არ არის ჯერ. ანუ ნახევარი მსოფლიო სწორედ იმ ასაკობრივ ჯგუფშია, რომლისთვისაც სოციალური ქსელები საინტერესო ვირტუალური ურთიერთობის საშუალებაა. აქვე უნდა დავსძინო, რომ ბოლო კვლევების თანახმად Facebook-ის ერთ–ერთი ყველა მზარდი სეგმენტი 55 წელს გადაცილებული ქალბატონები არიან, ხოლო Twitter-ის ყველაზე დიდი დემოგრაფიული ჯგუფი 26-34 წლის ადამიანები არიან. რაც შეეხება პინტერესტს, მათი ძირითადი მომხმარებლები უმაღლესი განათლების მქონე, 50-წლამდე ასაკის ქალბატონები გახლავთ. ინსტაგრამი კი 18-29 ასაკის ადამიანებს იზიდავს. ხოლო ლინკედინის-პროფესიული ქსელის საშუალო მომხმარებელი 44 წლის ადამიანები არიან. შესაბამისად, სოციალური ქსელები არა მხოლოდ ახალგაზრდა თაობისთვის არის განკუთვნილი, არამედ იგი ასევე აქტუალურია სხვადასხვა ასაკის მომხმარებლებისათვის. ამიტომ, საჭიროა ქართულმა კომპანიებმა გააცნობიერონ თითეული სოციალური ქსელის მომხმარებლების დემოგრაფიული ინფორმაცია და შესაბამისად მოახდინონ მათთან კომუნიკაცია.

მსგავსი სიახლეები

Genova Diagnostics მსოფლიოში ცნობილია, როგორც ,,მომავლის ლაბორატორია". ის წამყვან პოზიციაზეა სისტემაზე დაფუძნებული მიდგომის მიმართულებით, რომელიც ეხმარება ექიმებს პაციენტების პერსონალიზებულ მკურნალობაში და რაც მთავარია, ქრონიკული დაავადების ჩამოყალიბების პრევენციაში....

ონლაინ კონფერენცია: ხარისხის მართვა ჯანდაცვის სექტორში

MCI Group და IMS ბრიტანელ და ფრანგ პარტნიორ კომპანიებთან ერთად წარმოგიდგენთ პირველ ონლაინ კონფერენციას კლინიკებში ხარისხის დანერგვისა და სერტიფიცირების პროცესის შესახებ. შეხვედრის განმავლობაში ბრიტანული კომპანიების, BSI-ისა და Intertek-ის წარმომადგენელი, ასევე...

შორსმჭვრეტელი მენეჯერები და „ინდუსტრია 5.0“

შორსმჭვრეტელი მენეჯერები და „ინდუსტრია 5.0“ ონლაინი ჩვენთვის ყველასთვის უკვე ყოველდღიურობაა. იმ პირობებში, როცა ჩვენ – ყველას პანდემიის გამო გვიწევს ნაკლები კომუნიკაცია პირისპირ, ჩვენი გონება იწყებს სხვაგვარად ფიქრს, ეჩვევა აზროვნების სხვაგვარ ფორმატს – კერძოდ, როგორ...