რა არის ინდუსტრია 4.0?
1️⃣️ პირველი ინდუსტრიული რევოლუცია, რომელსაც შეგვიძლია ვუწოდოთ ინდუსტრია 1.0 ადამიანის ქმედებების მექანიზაცია გახლდათ, 2️⃣️მეორე – ელექტროენერგია, კონვეიერები და მას-პროდუქცია.
3️⃣️მესამე რევოლუცია კომპიუტერულ ერას, ავტომატიზაციას და რობო-ტექნიკის შექმნა-განვითარებას უკავშირდება.
ზუსტად მესამე, ინოვაციური ტექნოლოგიებით აღსავსე ეტაპიდან გამომდინარეობს რიგით 4️⃣️ მეოთხე რევოლუცია ცნობილი როგორც „ინდუსტრია 4.0“.
ამ რევოლუციის მიზანია კომპიუტერული ტექნოლოგიების, ხელოვნური ინტელექტის და ავტომატიზაციის სიმბიოზი.
მეოცე საუკუნის გამოჩენილი მწერალ-ფანტასტები აღწერდნენ ერას, სადაც ადამიანის მთავარი ფუნქცია რობოტების და ხელოვნური ინტელექტის მართვაა. ამ ყველაფერს კი დღეს ინდუსტრია 4.0 გვპირდება.
➡მაგალითად ავიღოთ ნებისმიერი ტიპის ქარხანა/წარმოება, რომელიც ერგება 4.0 მოდელს:
**ამ ქარხნის ყველა ქმედება ავტომატიზებულია
**დაინერგა ავტო-მონიტორინგის სისტემა
**მანქანებს/დანადგარებს მთლიანად კომპიუტერები მართავენ
**კომპიუტერებს შეუძლიათ სწავლა, სიტუაციის ანალიზი და საწარმოსთვის ოპტიმალური დამოუკიდებელი გადაწყვეტილებების მიღება
✔მაშასადამე ნებისმიერ ბიზნესს მართებს თავის სფეროში ინოვაციებისთვის თვალყურის მიდევნება, ამ ინოვაციების დროული დანერგვა, კონკურენტუნარიანობის ახალი მოდელის შემუშავება და ამ ცვლილებებთან დროული ადაპტაცია.
