ბრაიან დაისონის 30 წამიანი მიმართვა, რომლითაც იგი ჯორჯიის შტატის ტექნიკური ინსტიტუტის წინაშე წარსდგა 1991 წლის 6 სექტემბერს შეეხება ადამიანის ძირითად ღირებულებებს – ცხოვრებას, მეგობრობას, სიყვარულს და ოჯახს. მისმა წარმოთქმულმა სიტყვამ საყოველთაო აღიარება მოიპოვა, ყოვლისმომცველი შინაარსით. ინტერნეტი სავსეა სხვადასხვა თემატიკის სტატიებით, რომლებსაც ბრაიან დაისონის მიმართვით აფორმებენ, რადგან თავისი ალეგორიული შინაარსით იგი ადამიანს ცხოვრებას ასწავლის.
“წარმოიდგინეთ, რომ ცხოვრება თამაშია, რომელიც მდგომარეობს ხუთი ბურთის ჟონგლირებაში.
ეს ბურთებია – სამუშაო, ოჯახი, ჯანმრთელობა, მეგობრები და სული. თქვენი ამოცანაა ეს ხუთივე ბურთი მუდამ ჰაერში იქონიოთ. მალე შენიშნავთ, რომ სამუშაოს ბურთი რეზინისაა და თუ უცაბედად დაგივარდებათ, ის ისევ ამოხტება და დაგიბრუნდებათ.
დანარჩენი ოთხი, კი – ოჯახი, ჯანმრთელობა, მეგობრები და სული – შუშისაა. თუ თქვენ ერთ-ერთი მათგანი გაგისხლტათ ხელიდან, ის გამოუსწორებლად დაზიანდება, დაიჩხვლიტება, გაიბზარება, სერიოზულად დაზიანდება ან სრულად დაიმსხვრევა. ის აღარასდროს იქნება ისეთივე, როგორიც ადრე იყო. თქვენ უნდა გააცნობიეროთ ეს და ეცადოთ, არასდროს მოხდეს ასე.
მაქსიმალურად ეფექტურად იმუშავეთ სამუშაო დროის განმავლობაში და დროულად წადით სახლში. მიუძღვენით საჭირო დრო ოჯახს, მეგობრებს და სრულფასოვან დასვენებას.
ღირებულება ღირებულია მაშინ, როცა მას აფასებენ.”
