მოახდინე კონცენტრაცია 5 პროცენტზე!

რეკრუტირების ამოცანა ერთ-ერთი ყველაზე დიდი თავსატეხია კომპანიებისთვის. მის წარმატებით განხორციელებას კი აუცილებლად დადებითი შედეგები მოაქვს. აღსანიშნავია, რომ ზოგადად მენეჯერები, პროგრამისტები და სხვა მაღალი დონის შემსრულებლები, რომელთა პროფესია ინფორმაციულად და ინტერაქციულად ინტენსიურია, 800% -ით უფრო პროდუქტიულები არიან, ვიდრე საშუალო დონის შემსრულებლები. მომავალში კომპანიებს შორის ტოპ ტალანტებზე კონკურენცია უფრო და უფრო ინტენსიური გახდება. რა არის საჭირო იმისათვის, […]
02.10.2019

რეკრუტირების ამოცანა ერთ-ერთი ყველაზე დიდი თავსატეხია კომპანიებისთვის. მის წარმატებით განხორციელებას კი აუცილებლად დადებითი შედეგები მოაქვს. აღსანიშნავია, რომ ზოგადად მენეჯერები, პროგრამისტები და სხვა მაღალი დონის შემსრულებლები, რომელთა პროფესია ინფორმაციულად და ინტერაქციულად ინტენსიურია, 800% -ით უფრო პროდუქტიულები არიან, ვიდრე საშუალო დონის შემსრულებლები.

მომავალში კომპანიებს შორის ტოპ ტალანტებზე კონკურენცია უფრო და უფრო ინტენსიური გახდება.

რა არის საჭირო იმისათვის, რომ წარმატებით გავართვათ თავი რეკრუტირების ამოცანას ასეთ კონკურენტულ გარემოში?

მოკლედ რომ ვთქვათ: პოტენციური დასაქმებულებისთვის უნდა შევქმნათ ძლიერი და გამორჩეული მახასიათებლების მქონე ვაკანსიის შეთავაზება, რაც სამუშაო გარემოს ისე წარმოაჩენს, როგორიც ის რეალურად არის. დასაქმებულებისთვის მცდარი მოლოდინების შექმნამ შეიძლება ნეგატიურ გამოხმაურებებამდე მიგვიყვანოს.

ამის თავიდან ასაცილებლად, კომპანიებმა ფოკუსირება უნდა მოახდინონ როლების იმ 5 პროცენტზე, რომლებიც ღირებულების 95 პროცენტს ქმნიან.

მაგალითად: DHL, FedEX, UPS და სხვა გადამზიდავი კომპანიის ლოჯისტიკის პროცესის ინჟინერის საქმიანობაში პატარა ცვლილებამაც კი შეიძლება უდიდესი ნეგატიური გავლენა მოახდინოს ფასებზე და მიწოდების დროებზე – რაც ასობით მილიონი დოლარის ღირებულების ექვივალენტია. Carrefour-ის არსებული მიმართულება კონკურენტუნარიანი უპირატესობაა თუ პირიქით, განისაზღვრება იმ გადაწყვეტილებებით, რომლებსაც ამ მრავალარხიანი კომპანიის მოვაჭრეები იღებენ.

2011 წელს, სტივ ჯობსის გარდაცვალების შემდეგ, უამრავმა ადამიანმა კითხვის ნიშნის ქვეშ დააყენა Apple-ის წარმატებული არსებობა მისი გამორჩეული ხედვის მქონე ლიდერის გარეშე. ნაწილი აღნიშნავდა, რომ კომპანიას მისი მმართველობის ქვეშ საოცარი უნარი გააჩნდა მოეზიდა ნიჭიერი და გამორჩეული ადამიანები. ჯობსი თავად ხშირად ამბობდა, რომ საჭიროა ვიპოვოთ საუკეთესოთა შორის საუკეთესოები.

მაღალი უნარების მქონე ადამიანებით დაკომპექტებულ პატარა ჯგუფს შესწევს იმის უნარი, რომ ეფექტურობით ერთიათად გადაუსწროს უფრო დაბალი უნარების მქონე ადამიანებით დაკომპექტებულ უზარმაზარ გუნდებს.

სტივ ჯობსი მართალი იყო, რადგანაც Apple-ის წილის ფასი დღემდე მუდმივად იზრდება. წარმატებული კომპანიები აცნობიერებენ, რომ საჭირო ნიჭის მქონე ადამიანი გარკვეულ პოზიციაზე საგრძნობლად ზრდის მათ ზოგად პერფორმანსს.

იმ როლების 5 პროცენტის იდენტიფიცირების შემდეგ, რომლებიც ღირებულების 95 პროცენტს ქმნიან, უკვე დგება იმის განსაზღვრის საკითხი, არიან თუ არა ყველაზე ნიჭიერი ადამიანები ამ პოზიციებზე. იშვიათად ხდება ისე, რომ საუკეთესო ლიდერები მეთოდურად იყვნენ განლაგებულნი უნარების მიხედვით თავიანთ როლებზე. უფრო მეტიც, საჭირო ნიჭის მქონე ადამიანის შესაბამის როლზე შენარჩუნება სამუშაოს სპეციფიკაში უამრავ მორგებას საჭიროებს.

კომპანიების უმეტესობისთვის განსაკუთრებული უნარების მქონე ადამიანების მოზიდვა და მათი შენარჩუნება მუდმივი თავსატეხია. ამიტომაც, კორპორაციებში ჭკვიანურად განხორციელებულ კორექტირებებს ისეთი მორგებული მიდგომის შემუშავება შეუძლია, რომელიც ზუსტად შეესაბამება მაღალი ღირებულების შემქმნელ დასაქმებულებს. ეს ყველაფერი კი კომპანიის ზოგად წესებს და მართვის სტრუქტურას უნდა დავაშენოთ, რომელიც კომპანიაში მომუშავე ყველა ნიჭიერ ადამიანს მიესადაგება.

 

მსგავსი სიახლეები

Genova Diagnostics მსოფლიოში ცნობილია, როგორც ,,მომავლის ლაბორატორია". ის წამყვან პოზიციაზეა სისტემაზე დაფუძნებული მიდგომის მიმართულებით, რომელიც ეხმარება ექიმებს პაციენტების პერსონალიზებულ მკურნალობაში და რაც მთავარია, ქრონიკული დაავადების ჩამოყალიბების პრევენციაში....

ონლაინ კონფერენცია: ხარისხის მართვა ჯანდაცვის სექტორში

MCI Group და IMS ბრიტანელ და ფრანგ პარტნიორ კომპანიებთან ერთად წარმოგიდგენთ პირველ ონლაინ კონფერენციას კლინიკებში ხარისხის დანერგვისა და სერტიფიცირების პროცესის შესახებ. შეხვედრის განმავლობაში ბრიტანული კომპანიების, BSI-ისა და Intertek-ის წარმომადგენელი, ასევე...

შორსმჭვრეტელი მენეჯერები და „ინდუსტრია 5.0“

შორსმჭვრეტელი მენეჯერები და „ინდუსტრია 5.0“ ონლაინი ჩვენთვის ყველასთვის უკვე ყოველდღიურობაა. იმ პირობებში, როცა ჩვენ – ყველას პანდემიის გამო გვიწევს ნაკლები კომუნიკაცია პირისპირ, ჩვენი გონება იწყებს სხვაგვარად ფიქრს, ეჩვევა აზროვნების სხვაგვარ ფორმატს – კერძოდ, როგორ...